Abschied von einem Präsidenten mit Herz

Mit Philipp tritt ein engagierter Präsident zurück, der sein Ämtli mit viel Herzblut und Humor geführt hat. Du warst immer lösungsorientiert und teambildend unterwegs, konntest dich aber auch entschieden durchsetzen, wenn es wichtig war. Du bleibst mit deinen gestalterischen Einlagen bei den Generalversammlungen immer in Erinnerung: So durften wir olympische Spiele, Liveschaltungen oder eine Tagesschau miterleben. Deine Arbeit möchten wir hier würdigen und hoffen, dass du trotz des Familienzuwachs für die eine oder andere kleinere Vereinsaufgabe oder sportliche Einsätze zu haben bist 😊.

Du wirsch als ufgstelltä, offänä und zielorientiertä Präsident beschriebä,

hesch d’Sitzigä bi Themäabwichigä immer voratribä.

Mä hed gärn mit diär zämägschaffäd,

dui hesch mängisch ai wieder epper uifgraffäd.

Gleitet hesch dä BCS mit vielnä Struktuirä,

und hinderlasch bi eys ä huifä Spuirä.

Deyni Freyd am BCS isch immernu spührbar,

und wird sicher so bleybä – das isch klar!

Deyni Generalversammligä sind gsi so kreativ,

miär wärdid das vermissä…..*schnief*

Dä grossi Isatz hemmer sehr gschätzt,

deys «Let’s go Stansstad, let’s go» nu immer fätzt.

Äs gäbt nu so viel zum Schreybä,

aber miär wend jetzt hiä ai nid ubertreybä!

So sägid miär dankä fir all diä tollä Sachä,

und hoffid uf vili witeri Momänt zum zämä lachä 😉.